Kurs i relasjonskompetanse (Bergen - 23.10.25 og 20.11.25)

Korleis få lærlingen til å læra hjå oss?

Vestland fylkeskommune og Høgskulen på Vestlandet inviterer til samlingar

Målet med samlingane er å styrka faglege leiarar og instruktørar i deira rolle som rettleiarar og relasjonsbyggarar for lærlingar i ei tid prega av psykiske utfordringar, tidspress og behov for ulike tilpassingar.

Dato: 23.10.25 og 20.11.25 (kurset går over to samlingar)

Stad: Hvl-Campus Bergen (Inndalsveien 28)

Torsdag 23.oktober, K2-bygget, rom M409 / Torsdag 20.november, K2-bygget, rom M125

Tid: 10.00-16.00

Målgruppe: Instruktørar og faglege leiarar

Innhald

På samlingane tek vi utgangspunkt i dykkar praksis og arbeider med ulike perspektiv som kan bidra til læring. Kva kan fremja og kva kan hemma god utvikling for lærlingen?

• Kva kjenneteiknar god kommunikasjon - korleis kan eg bidra til å fremja god kommunikasjon

• Forventingsavklaring – kva forventningar har lærlingen til meg og kva forventningar har eg til lærlingen?

• Rettleiing som bidreg til framgang – korleis kan den rettleiinga eg gjev bidra til motivasjon og meistring?

• Den vanskelege samtalen  -  vanskeleg for kven?