Berekraft i bibliotek - Klimafestivalen Junior og veke 17

 

Velkommen til eit digitalt arrangement som skal inspirere til arbeid med berekraft i bibliotek, og peike fram mot arrangement i veke 17.

 

For å kunne handle, må vi endre haldningar — og for å gjere det, må vi utfordre forteljingane vi fortel.

I Bergen Offentlege Bibliotek begynner den forteljinga med barna. I denne økta får du høyre korleis biblioteket har skapt Noregs største klimafestival for barn, i partnerskap med klimafestivalen Varmere Våtere Villere.

 

Festivalen er eit årleg arrangement med mål om å støtte barn og unge sitt klimamedvit, motstandskraft og samfunnsdeltaking. Bli med og høyr korleis litteratur, vitskap, handverk og kulturprogram kan kombinerast for å inspirera til handlekraft og handling. Hans Eirik Systad Tyssen (prosjekteigar) og Siri Raknes (prosjektleiar) deler erfaringar med programmering og samarbeid med eksterne partar.