Årets samling blir på Voss 2.-3.juni!
Samlinga er for tilsette i kommunale frisklivssentralar og andre som arbeider innanfor meistring- og læringstilbod i kommunane. Føremålet med samlinga er kompetanse- og erfaringsdeling, men også fagleg inspirasjon og oppdatering.
Ressursgruppa i Frisklivsnettverket planlegg samlinga. Ressursgruppa består av representantar frå fylkeskommunen, Statsforvaltaren, utviklingsentralar (Askøy) og frisklivssentralar (Gloppen og Kvinnherad). På denne samlinga bidreg også Voss frisklivssentral i planlegging og gjennomføring. Program er i emning og blir snart lagt ut her!
Vestland fylkeskommune dekker overnatting og deltaking for inntil to personar frå kvar kommune/frisklivssentral. Reise til og frå Voss vert ikkje dekka.
Foto: Morten Wanvik
Påmelding
VIKTIG INFORMASJON OM OVERNATTING: Vestland fylkeskommune dekker overnatting for dei med lang reiseveg. Det er helde av 40 rom på hotel Scandic Voss fram til 5.mai 2025. Deltakararar bestiller sjølv rom enten via e-post: voss@scandichotels.com eller via telefon: 56 52 82 00 (tast 2 for å komme til resepsjonen). De må oppgje ID 97832769 for å bli lagt til under rett gruppebestilling (Vestland fylkeskommune). De skal ikkje få tilsendt faktura eller legge ut på førehand.