Kan det av og til vere vanskeleg å svare på spørsmål om datahjelp i biblioteket? Er du usikker på kor grensene går for kva du kan hjelpe til med? Bli med på ein praktisk verkstad med Tanja Aas frå Direktoratet for høyere utdanning og kompetanse (HK-dir)!
Her får du mellom anna tips og øving i å:
- leggje til rette for og motivere dei som ber om hjelp, til å bli sjølvhjelpen i digitale kvardagstenester
- ivareta godt personvern
- nytte kvalitetssikra ressursar i rettleiinga
Du vil få materiale du kan nytte til rettleiing i biblioteket i etterkant, og det vil også bli digital oppfølgingssamling av verkstaden frå bibliotekutvikling Vestland.
Aas har brei erfaring frå digital rettleiing og er ein del av DIGIDEL-teamet som mellom anna driftar DIGIDEL – ressursbank for rettleiarar, av Digitalisering- og forvaltningsdepartementet (DFD).
Verkstadane er eit samarbeid mellom HK-dir, bibliotekutvikling i Vestland fylkeskommune og Bergen offentlige bibliotek.
Praktisk
Tid og stad: Du vel om du vil delta i Bergen eller Førde
- Bergen, Vestlandshuset (Lars Hilles gate 22) – måndag 23. mars, kl. 10.00–15.00
- Førde, Storehagen 1B – tysdag 24. mars, kl. 10.00–15.00
Målgruppe: Tilsette i bibliotek
Pris: Gratis. Vi serverer kaffi/te og enkel lunsj.
Påmeldingsfrist: 6. mars
Ønskjer du å delta på ein av verkstadane, men tidspunktet er ikkje mogleg for deg? Har du andre spørsmål? Ta kontakt med Lena Jensen Glesnes!