Webinar for prøvenemnder

Vestland fylkeskommune gjennomfører no obligatorisk opplæring av prøvenemndene i form av digitalt dagskurs (webinar). Dette er ei midlertidig løysning som erstattar fysiske kurs under Corona-situasjonen. Vi gler oss til vi igjen kan møtast fysisk!

Alle medlemmane i nemndene skal delta på møter og kurs arrangert av fylkeskommunen i løpet av oppnemningsperioden. Det er difor viktig at alle deltek. På denne måten får vi ein felles praksis i sensorarbeidet i heile fylket.  

Vi anbefaler at heile nemnda melder seg på det same webinaret. Dersom du ikkje har høve til å møte på eit webinar tilpassa ditt fag, kan du melde deg på ein annan dag, men helst innan same utdanningsprogram (fagområde). Sjå fana "aktiviteter" for oversikt over komande webinar.

Innhald i webinaret:
• arbeidet i prøvenemnda - rolla og forventningar
• vi arbeider med å utvikle fagprøveoppgåva med vurderingskriterier
• opne oppgåvetekstar
• læreplanar, opplæringslova med forskrift

Presentasjonen som vert nytta under webinaret sendast ut på mail til deltakarane.
Hefte «Veiledning for prøvenemnder» av Kjersti Hovland vert sendt i posten før webinaret.

For å kunne gjennomføre webinaret må du ha følgjande teknisk utstyr:
- Internett tilgang
- Pc, Laptop eller nettbrett (vi tilrår ikkje bruk av telefon på webinaret)
- Hovudtelefonar med mikrofon evt. øyreproppar med mikrofon
Ved pålogging får du høve til å teste mikrofon og høgtalar, sjekk at eige utstyr fungerer som det skal.
Bruk hovudtelefon eller øyreproppar med mikrofon når du deltek frå PC/nettbrett. Steng eigen mikrofon når du ikkje snakkar.

Webinaret har pålogging klokka 8.30 for registrering, gruppeinndeling og test av lyd- og bilde. Opplæring startar kl 0900 og varer til kl 1400.

Meir informasjon finn du på vlfk.no/provenemnd

Kontakt:

Ingunn Wik Djønne - ingunn.djonne@vlfk.no

Dagfinn Henjum Sværen - dagfinn.henjum.sveren@vlfk.no