Stillingskodekurs 4 - 9. april kl. 10:00

Målgruppe: Tilretteleggjarar, stabsleiar og dei som sender personalmeldingar. 

Målsettinga med kurset er

• Å informera om fylkeskommunen sine interne stillingskodar og kva som er viktig å hugse på når du skal velje rett stillingskode i Personalmelding
• At avdelingane i etterkant av kurset går gjennom sine stillingar for å kvalitetssikre at deira tilsette er plassert rett (stillingkode, løn osv), eventuelt rette opp feil før neste lønskøring

Bakgrunn for dette kurset er at det er lønsdata per 30. april / 1. mai som blir brukt i dei lokale forhandlingane hausten 2024. Alle feil plasserte stillingar generera mykje ekstra tid til kvalitetssikring av data i forkant, under og i etterkant av dei lokale forhandlingane. Tid me ikkje har og tid me treng bruke på forhandlingsarbeid for å bli ferdige i tide til at forhandlingsresultat kan betalast ut i 2024. Slik kvalitetssikring vil også gjera oss tryggare på at rett løn blir betalt, at ulike HR rapportar blir rett og meir effektiv handsaming av personalmelding / tilsettingsprosess.  

Kursform: Digitalt. Lenkje til kurset blir sendt påmeldte etter påmeldingsfrist. 

Sjå innhald under program

Innhald

• Gjennomgang av fylkeskommunen sitt stillingskodeverk, med info om hovudtillidsvalgt (HTV) og offentlege stillingskodar
• Informasjon om koplinga mellom stillingskode, yrkeskode og utdanningskode – med rask visning og gjennomgang av desse
• Rask gjennomgang av fylkeskommunen sin lønspolitikk – med kopling til stillingskode og lønsnivå, og val av rett løn/lønsstige
• Utfylling av personalmeldingar (PM) – kva val kan gjerast og kva val er mest rett

Pensum

Det blir gjennomgang av fyljande informasjon.

• Retningslinje for bruk av stillingsnemningar i Vestland fylkeskommune

• Standard for yrkesklassifisering (STYRK-08
  
  
• Standard for utdanningsgruppering (NUS
  
  
• Hovedtariffavtalen 1.5.2022-30.04.2024

Det er ein fordel om du har orientert deg på dette i forkant av kurset. 

Excel-ark med stillingskodane som per 8. februar ligg i HR systemet. Dette blir sendt ut i forkant av kurset i eigen e-post.